BE 177 NDADA TARHATAON
Versi Version 1
1
Ndada tarhatahon hahoholong ni
Roha ni Tuhanta di pardosa i.
Marsak do rohaNa mida jolma i,
Na so olo unduk di hataNa i.
2
Naeng pangoluonNa jolma sasude
Naeng pasonangonNa nang parjahat pe
Asal ditangihon saluhutna i
Hata hangoluan binoanNa i.
3
Jesus do manaoni dosa ni sasude
Nunga digarari do utangta be
Nunga pola mate Tuhan Jesus i
Paluahon hita sian dosa i.
4
O hamu pardosa sai tandai ma i
Lehon di Ibana rohamuna be
I do pangidoan ni Tuhanta i
Asa sai tong sonang bahenonNa i.

Last updated: 2026-03-30
Buku Ende (c) Huria Kristen Batak Protestan

OK
© 2010–2026 Tim Alkitab © 2010–2026 Quick Bible Team
Python 3.12.12 | production