BE 255 HOLAN SADA DO NA RINGKOT
Versi Version 1
1
Holan sada do na ringkot, Jesus lehon i di au
Manang aha pe na dapot, ndang tuk pasonangkon au
Nang arta, nang sangap, sude hamoraon
Ndang tau mangalehon di au hasonangan
Alai molo dapot na sasada i
Tongtong las rohangku hinorhon ni i
2
Molo naeng di ho tondingku, arta na sasada i
Ndang tarbahen luluanmu, anggo so di ginjang i
Disi, di siamun ni Tuhan Jahowa
Do hundul AnakNa na dung gabe jolma
Ibana do jambar na sun denggan i
Antong o tondingku jalahi ma i.
3
Suang songon si Maria manangihon hataMi
Naeng o Jesus na badia, hundul au di lambungMi
Antong ale Tuhan pasada rohangku
Palua ma au sian nasa dosangku
Sai Ho ma o Jesus nampuna au on
Sai Ho ma manggohi rohangku tongtong.

Last updated: 2026-03-30
Buku Ende (c) Huria Kristen Batak Protestan

OK
© 2010–2026 Tim Alkitab © 2010–2026 Quick Bible Team
Python 3.12.12 | production