BE 260 HOLAN JESUS DO HUBAEN
Versi Version 1
1
Holan Jesus do hubaen donganku
Ai Ibana pasonangkon au
Ingkon sai tongtong tiur langkangku
Molo raphon Jesus i au lao
Molo raphon Jesus i au lao.
2
Tano dohot laut sonang hubolus
Molo sai diiring Jesus au
Tu banuaginjang pe sai torus
Do boanon ni Tuhanku au.
Do boanon ni Tuhanku au.
3
Di na modom manang di na hehe
Jesus do donganku sai tongtong
SoaraNa do tongtong hubege
Mangapuli au na dangol on,
Mangapuli au na dangol on.
4
Jesus do tongtong haporusanku
Arta dohot hangoluanki
Nang tondingku nang pe pamatangku
Hupasahat tu tanganNa i
Hupasahat tu tanganNa i.
5
Di na ro panjouna di tondingku
Las rohangku mangihuthon i
Ndang tagamon susa be rohangku
Raphon Tuhanki di surgo i,
Raphon Tuhanki di surgo i.

Last updated: 2026-03-30
Buku Ende (c) Huria Kristen Batak Protestan


OK
© 2010–2026 Tim Alkitab © 2010–2026 Quick Bible Team
Python 3.12.12 | production