BE 294 UNANG SAI HOLSOAN HO
Versi Version 1
1
Unang sai holsoan ho, Debatam mangolu do
Dirajai do sasudena, arsakmi naeng buatonna
Asal ma porsea ho, holsomi maporus do
2
Sai haposi Debatam, jala alo ma dosam
Unang habiari talu, hamonangan do tohapmu
Dipasaut Debatami na pinarbagaNai
3
Molo ro arian i sai maporus borngin i
Songon i do lao arsakmu, mida sondang ni Tuhanmu
Asal sai mangkirim ho, ndang tagamon marsak ho
4
Nang tung ganda dokdok ni sude sitaonon i
Unang olo ho gangguan, sai benget ma ho mamorsan
Tiop holong ni roham manghaposi Debatam

Last updated: 2026-03-30
Buku Ende (c) Huria Kristen Batak Protestan

OK
© 2010–2026 Tim Alkitab © 2010–2026 Quick Bible Team
Python 3.12.12 | production