NA DENGGAN SITUTU DO (BE 361)

BE 361 NA DENGGAN SITUTU DO

Versi Version 1

1

Na denggan situtu do mamuji Debata

Jahowa na sun timbo, na sai tongtong basa

Denggan do paboahon, manogot asiMi

Bodari mangendehon, burjuM nang sintongMi

2

Mardongan sipiltihon, na denggan situtu

Naeng ma tongtong pujion, ni nasa na burju

Ho Tuhan Debatangku, ai las ni rohangki

Do na tongtong binaenMu, di pambahenanMi

3

Ai jadijadianMu, mansai balga do i

Nang angka pingkiranMu, mansai bagas do i

Ndang dapot i tandaon, ni baoa na bodo

Ai holan sibotoon, ni na porsea do.

4

Martumbur pe parjahat, di atas tano on

Sobokkon duhutduhut, ndang mian i tongtong

Tompu do disiaphon Ho saluhutna i

Alai Ho do manongtong, Ho na tumimbul i.

5

MusuM, o Debatangku, sibaen na jahat i

I ma siaphononMu, marserak ma sude

Alai patimboonMu, ma au naposoMon

Huhut pargogoanMu, mamuji Ho tongtong.

6

Pamereng ni matangku, sombu ma baenonmi

Marnida hadadabu, ni angka alongki

Au naeng agohononNa, hape na sundat do

Tinahi ni rohana, o Tuhan dibaen Ho.

7

Martumbur do partigor, tudoshon bagot i

Martunas do nasida, songon hau ares i

Nasida na sinuan, di bagasjoro i

Do na marbungabunga, di alamanna i

8

Sai tubu pinomparna, di na ubanon i

Margogo do nasida, di na martua i

Girgir dibaritahon, na tigor Tuhan i

Na so marhageduhon, pambaenNa sasude

OK

© 2010–2026 Tim Alkitab © 2010–2026 Quick Bible Team

Python 3.12.12 | production

Fork me on GitHub