DI NA HUMOLSO ROHANGKI (BE 497)

BE 497 DI NA HUMOLSO ROHANGKI

Versi Version 1

Di na humolso rohangki pasari hangoluanki,

Tibu bolongkononku pe, holsongku sasude

Ai i didokkon Jesus i Tuhanta na di surgo i,

Na sumarihon ngolumi, denggan sudena i.

Di na huingot hata ni Tuhanta, na nidokNa i:

Sai sonang ma hamu sude. Unang mabiar be;

Disi endehononku ma: Martua na porsea da!

Sai naeng hujamitahon i tu na humolso i.

Ai gari angka pidong i, sai diparmudu Tuhan i;

Marabit bungabunga i, na denggan, na uli.

Ai disarihon Debata nasida na satongkin da!

Lam hita na porsea i, tagamon tading i?

Marlas ni roha do au on. Ai Jesus donganki tongtong,

Sai ro do sinondangNa i, tongon tu rohangki.

I pe huingot ma tongtong, ndang boi holsoan rohangkon,

Ai Damang na di surgo i, pasingkop bohalhi.