BE 569 O DEBATA TUNG LONGANG DO ROHANGKU
Versi Version 1
1
O Debata tung longang do rohangku,
Molo hubereng na tinompaMi,
Saluhut bintang, hilap dohot ronggur,
Manghatindanghon hasangaponMi,
Marende au Tuhan mamuji Ho,
O, Debata, sangap do Ho.
Marende au Tuhan mamuji Ho
O, Debata, sangap do Ho.
2
Di ladang di adaran dohot tombak,
Marende pidong tung mansai sonang
Punsu ni dolok, sunge dohot rura,
Mamaritahon sangapMi Tuhan.
Marende au ………
3
Molo huingot balga ni holongMu,
Marhite Jesus na tarsilang i.
Anak sasadaMi O Debatangku,
Dilehon Ho manobus jolma i.
Marende au ………
4
Molo ro Kristus lao mangalap ahu,
Tu hasonangan salelengna i.
Di surgo i Ho do pasangaponku,
Rap dohot angka na badia i.
Marende au ………

Last updated: 2026-03-30
Buku Ende (c) Huria Kristen Batak Protestan



OK
© 2010–2026 Tim Alkitab © 2010–2026 Quick Bible Team
Python 3.12.12 | production