DIGOMGOMANMI O TUHAN (BE 786)

BE 786 DIGOMGOMANMI O TUHAN

Versi Version 1

1

Di gomgomanMi o Tuhan ndang adong hami punjung,

Ndang adong na so parjambar di angka pasupasuM

Mauliate rohanami sai tongtong tu Ho Tuhan,

Alani sude na denggan binagabagahonMi.

2

Ndang tu batu partahanan manang podang na tajom,

Tu huaso ni tondiM do marhaposan hami on,

Sai suanhon ma tu hami roha mauliate i,

Ala haluaonnami ni asi-asihonMi.

3

Sai ajari hami Tuhan, manghalashon basaMi,

I ma jabu nang Huria dohot parguruan i,

Tondi na ungkap tu dongan di bagasan holong i,

Bangso nang negaranami, na denggan maruhum i.

4

Mauliate hudok hami, ala angka dongan i,

Naung manjoloani hami, nang lea sangap pe i,

Ala ni angka Apostel dohot Panurirang i,

Na satia manindangi pararathon hataMi.

5

Debata ni hatigoran dohot hasintongan i,

Sai palua Bangsonami, sian parbolatan i,

Sai pahot ma rohanami, marhaporseaon i,

Lam parringgas rohanami, masihaholongan.

OK

© 2010–2026 Tim Alkitab © 2010–2026 Quick Bible Team

Python 3.12.12 | production

Fork me on GitHub