PASU-PASU HAMI O TUHAN (BE 792)

BE 792 PASU-PASU HAMI O TUHAN

Versi Version 1

Pasu-pasu hami o Tuhan sai usehon dameM i,

Sai ampehon tanganMi Tuhan, lehon tu au gogoM i.

Di portibi on, baen ma au Tuhan, habaoran ni las ni roha

tu na marsak i tu na dangol i gabe pangapuli i.

Di portibi on, baen ma au Tuhan, monang maralohon

dosa dibahen gogoM i, talu musu i sibolis pangago i.

Di portibi on, baen ma au Tuhan, sipatupa hadameon

baen ma hataM i, saor tu roha ni na masihosoman i.

Di portibi on, baen ma au Tuhan, siradoti haholongon,

Togu-togu ma hami on Tuhan, marparange na denggan.

Di portibi on baen ma au Tuhan sipajongjong hatigoran.

Pargogoi ma au, raphon HuriaM patupahon na denggan.