BE 88 DI SURGO DO ALEALENTA
Versi Version 1
1
Jesushu naung manobus ahu, sai naeng haholonganku Ho
Tu dolok Golgata Ho laho, nionjar ni holongMu do
Hupuji nasa asiMi alai gumodang holongMi
2
Tarsolsolbagi do rohangku paidaida dangolMi
Marningot sasude dosangku ai i do na tinaonMi
Hupuji nasa asiMi alai gumodang holongMi
3
Jotjotna i husoadahon Ho, Sipangolu tondingkon
Mabiar lao mangkatindangkon Ho na mangkophop au tongon
Hupuji nasa asiMi alai gumodang holongMi
4
Bagas uhirhon tu rohangku, pangkophopMi humophop au
Tusi ma togu pingkiranku guru di Ho sambing ma ahu
Hupuji nasa asiMi alai gumodang holongMi

Last updated: 2026-03-30
Buku Ende (c) Huria Kristen Batak Protestan

OK
© 2010–2026 Tim Alkitab © 2010–2026 Quick Bible Team
Python 3.12.12 | production