ON THAT SAME NIGHT, LORD JESUS (ELI1 282)

ELI1 282

ON THAT SAME NIGHT, LORD JESUS

1

Odu lẹ, ONDU Jisọs,

Ẹgba k’ọbata duu

Kpai ojiji ukwu lẹ

F’ẹbọ-Wñ da n’ẹdọ-Wẹ,

A gb’omu-Wẹ, ONDU-wa

Che ku mẹ rewa Mi

A ache kpai ẹdọ yaala

A che urewa-Wẹ

2

Ukade ọbata-Wẹ

Ẹnẹ duu neke ma n

Ago k’uwẹdọ ch’ẹko-wñ

Ẹ mugba koji wa

ỌJỌ m’Uwẹ du tinyọ

Oj oli ukwu lẹ

Ugwa lẹ a agw Uwẹi

Urewa-Wẹ a ache

3

A go ẹchubi chakaa

Ki b’Uwẹ ma ọmọ;

Ọpẹcha kpai imeli

Ki n’Uwẹ m’anẹ lẹ

A li k’Ẹ l’ejumomi;

A li ufẹdọ-Wẹ

Uyọ kpai ẹdọdudu

A anẹ ch’urewa-Wẹ

4

Gbogbo tak Uwẹ wa ke

K’Ẹ ko wa kw’emi lo,

K’a m̃i ef unyi ỌJỌ

Ugbo k’anẹ nẹ foo

A d’ukwu k’ẹ kwu ñẹña

A ñọ f’ọla-wa mu

K’a biu akẹdọn Uwẹ

Ab a ach urewa-Wẹ

© 2010–2026 Tim Alkitab © 2010–2026 Quick Bible Team

Python 3.12.14 | production