Okukunda nk’okwa Yesu Kristo (RRZ 238)

RRZ 238 Okukunda nk’okwa Yesu Kristo

Versi Version 1

Okukunda nk’okwa Yesu Kristo tikukareebwaga,

Kandi nikwo kurituhitsya twen’ omu bukama bwe.

Rukundo ya Yesu etakareebwaga!

Ij’ ahari Ogw’ orikukukunda; reeb’ akutegyereize.

Tihain’ ogir’ esaasi nka Yesu omunyambabazi,

Amaganya n’enaku zaitu niwe wenk’ obimanya.

Eiraka rirungi nk’erya Yesu, tihain’ origira;

Ayet’ abantu n’embabazi, ngu bamukuratire.

Mbwenu ka tworober’ eiraka rye, tukor’ ebi akunda,

Okuhitsy’ obu turihika owaitu omu iguru.